आइतवार, फाल्गुन १३, २०८०
Sun, February 25, 2024

सुर्खेतमा तरुण दलका नेतामाथि...

शनिबार राति पौने ९ बजे सुर्खेतको वीरेन्द्रनगर बजारबाट आफ्नो घरतर्फ जाँदै गरेका विनोद...

जनमत पार्टीले घोषणा गर्‍यो...

काठमाडौं । विद्यमान गणतन्त्रले देशको समस्या समाधान नभएको भन्दै सीके राउत नेतृत्वको जनमत...

मधेशका यू-१६ कप्तान चन्दनलाई...

बीरगन्ज, १३ माघ । भर्खरै सम्पन्न भएको १६ वर्ष मुनिको मनमोहन मेमोरियल टि...

रौतहटबाट गाँजासहित एक जना...

रौतहट,१३ फागुन । रौतहटको पश्चिम उतरिभेग गुजरा नगरपालिकास्थित लालबकैया नदीको बाँधबाट ४ किलो...
11.1 C
Kathmandu
14.9 C
Birgunj

सुनसहित विमानस्थलका कर्मचारी पक्राउ

सिफारिस

Nepal Post Daily
Nepal Post Dailyhttps://nepalpostdaily.com
Nepal post daily is Nepal's Leading news website. Contact Person Santosh Sah : 9807184362 Office : 051520040

काठमाडौँ — त्रिभुवन अन्तर्राष्ट्रिय विमानस्थलमा कार्यरत नेपाल वायु सेवा निगमका कर्मचारी रञ्जितकुमार यादव सुन तस्करी आरोपमा पक्राउ परेका छन् । ग्राउन्ड ह्यान्डलिङमा कार्यरत यादवले आइतबार दोहाबाट काठमाडौं अवतरण गरेको निगमको जहाजमा आएका एक यात्रुले ल्याएको सुन बुझेका थिए । प्रहरीले आइतबार साँझै उनलाई तीन सय तोला सुनसहित पक्राउ गरेको हो ।

- Advertisement -

प्रहरी परिसर काठमाडौंका अनुसार संगठित सुन तस्करहरूले दुबईबाट यात्रुका साथमा सुन पठाउने र यादवले विमानबाट ओर्लेपछि उनीहरूबाट बुझ्ने र मोटरसाइकलको ब्याट्री राख्ने ठाउँमा फल्स बटममा लुकाएर विमानस्थल बाहिर ल्याउने गरेका थिए ।

सुन बोकेर यादव सुरक्षा जाँच हुँदै नियमित बाटो छलेर विमानस्थल बाहिर आउँथे । बयानका क्रममा यादवले पहिलोपटक सुन बुझेको दाबी गरे पनि उनले लामो समयदेखि सानो परिमाणमा आउने सुन विमानस्थलबाहिर ल्याउन सघाएको अनुसन्धानले देखाएको छ । प्रहरीले दुबईबाट सुन बोकेर आउने यात्रु सिरहाका धनेन्द्रकुमार यादवलाई पनि पक्राउ गरेको छ ।

- Advertisement -

२०७४ माघमा विमानस्थलका कर्मचारी र केही प्रहरी अधिकारीको सहयोगमा बाहिरिएको ३३ किलो सुनको अनुसन्धानपछि सरकारले संगठित सुन तस्करी बन्द भएको बताउँदै आएको थियो । उक्त घटनापछि विमानस्थल हुँदै बाहिरिएको सुन बारम्बार बरामद भए पनि कर्मचारी पक्राउ परेका थिएनन् ।

प्रधानमन्त्री केपी शर्मा ओलीले ९ वैशाखमा आयोजित कम्युनिस्ट पार्टीको ७० औं स्थापना दिवस कार्यक्रममा सरकारले सुन आउने सबै प्वाल टालिसकेको दाबी गरेका थिए । प्रधानमन्त्रीको दाबी विपरीत वैशाख महिनामा मात्रै अवैध सुन बरामद भएको यो तेस्रो घटना हो । प्रहरीका अनुसार वैशाख महिनामा मात्रै विमानस्थलबाट ६ केजीभन्दा धेरै अवैध सुन बरामद भइसकेको छ ।

विमानस्थल भन्सारले वैशाख पहिलो साता दुई चिनियाँबाट मलद्वारमा लुकाएर ल्याएको साढे तीन केजी सुन बरामद गरेको थियो । त्यस्तै विमानस्थल प्रहरीले ८ वैशाखमा भियतनाम र कम्बोडियाबाट आएका दुई महिलाको साथबाट तीन केजी अवैध सुन बरामद गरेको थियो । १० वैशाखमा नेपाल प्रहरी र सशस्त्र प्रहरीले रसुवाको केरुङ नाका हुँदै काठमाडौं भित्र्याउन आँटेको ७ केजी सुन बरामद गरेको थियो ।

प्रहरी प्रधान कार्यालयका अनुसार २०७५ मा ७८ केजी ८ सय ७६ ग्राम अवैध सुन बरामद भएको छ, जुन ४५ करोड ४ लाख ६० हजार ६५ रुपैयाँ बराबरको सुन हो । प्रहरीले एक वर्षमा १ सय ३७ जनालाई सुन तस्करीमा संग्लन आरोपमा प्रतिवादी बनाएको थियो ।

गृह मन्त्रालयले भने फागुन १३ मा प्रतिवेदन जारी गर्दै १ सय १४ केजी १ सय २३ ग्राम सुन बरामद गरेर १८ करोड ८ लाखभन्दा धेरै राजस्व असुली गरेको प्रतिवेदन सार्वजनिक गरेको थियो । एक उच्च प्रहरीले भने, ‘सरकार नै सुन तस्करीको विरोधमा रहेको भनिएका बेला विमानस्थलका कर्मचारीकै संलग्नतामा सुन तस्करी भएको घटना सार्वजनिक हुनु गम्भीर कुरा हो ।’

Nepal Post Daily

Nepal post daily is Nepal's Leading news website. Contact Person Santosh Sah : 9807184362 Office : 051520040

- Advertisement -spot_img

ताजा समाचार

थप समाचार