राम बाबु गुरुङको लेखन तथा निर्देशनमा बन्ने फिल्म ‘कबड्डी ३’का लागी फिमेल लिडमा क्याप्टेन डेब्यु नायिका उपासना सिंह ठकुरी फाइनल भएकी छिन् । फागुन/चैत्र तिर फ्लोरमा जाने चर्चा चले पनि स्कृप्टको काम नसकिएकाले फिल्मको छायांकन सुरु हुन सकेको थिएन । फिल्मका लागि उपासनासंगै दया हाङ राई, कर्मा शाक्य, बुद्धी तामाङ लगायत फाइनल भएका छन् ।
- Advertisement -
हाल कलाकार र प्राविधिक टोलीको टुङ्गो लागे संगै सोमवार फिल्मको शुभ मुहूर्त गरिएको छ । काठमाडौं भाटभटेनी मन्दिरमा पूजाआजा गर्दै फिल्मको शुभ मुहूर्त गरिएको हो । शुभ मुहूर्तमा फिल्मका अधिकांश कलाकार उपस्थित थिए । यसअघि फिल्ममा नायक प्रदीप खड्का पनि रहने चर्चा थियो थियो । तर, फिल्मका लागि लिखित सम्झौता नभएको भन्दै प्रदीप र निर्माण पक्ष दुवैले कबड्डी ३मा उनको भूमिका रहने या नरहने भन्ने विषयमा केही बोलेका छैनन् ।
