बीरगंज, ३१ बैशाख — बीरगंजमा एकै दिन नाम नखुलेको बिषादी सेवन गर्दा ३ जना महिला सहित १ पुरुष बिरामी परेका छन् ।
बीरगंज महानगरपालिका वडा न. २५ सिर्सिया निवासि बलिराम महराकी श्रीमति २५ बर्षिय फुलकान्ती देबी महराले घरायसी समस्याको कारण नाम नखुलेको बिषादी सेवन गर्दा बिरामी भएको प्रहरीले जनाएको छ । निजको उपचार बीरगंजको नारायणी अस्पतालमा सम्भव नभएपछि एडभान्समा रिफर गरिएको छ ।
यसैबिच बीरगज महानगरपालिका वडा न. ३१ सोलखपुर निवासि मुकेश चौधरीकी १९ बर्षिय श्रीमती अंजली कुमारी पनि बिष सेवनकै कारण बिरामी हुँदा उपचारको लागि नारायणी अस्पतालमा भर्ना गरिएको छ । त्यस्तै बीरगंजको छप्कैया बस्ने २४ बर्षिय प्रिती साहीले पनि बिषादी सेवन गरेपछि निजको उपचार तराइ हस्पिटलमा भइरहेको छ ।
साथै पर्साको कालिकामाइ गाउपालिका वडा न. १ बस्ने २५ बर्षिय हिकेश पासवानले पनि घराईसी समस्याको कारण नाम नखुलेको बिषादी सेवन गर्दा बिरामी भएका हुन् । पासवानको नारायणी अस्पतालमा सामान्य उपचारपछि थप उपचारको लागी नेशनल मेडिकल कलेज शिक्षण अस्पतालमा रिफर गरिएको जिल्ला प्रहरी कार्यालय पर्साले जानकारी दिएको छ ।
