बारा, ९ जेठ – गए राती आएको हावाहुरीले बाराको महानगढीमाई नगरपालिकामा दुई वटा घरको छाना उठाएको छ । पानीसँगै आएको हावाहुरीले महानगढीमाई नगरपालिकाको वडा नं.२ को नागेश्वर प्रसाद गुप्ता तथा वडा नं. २ कै ईर्नवा कुर्मी टोलको चम्पा देवीको घर हावाहुरीले उडाएको छ । नागेश्वर गुप्ताको पक्की घरमा बनाएको खपडाको छानो उडाउँनु साथै घरको भित्ताहरु भत्किदा घर पूर्ण रुमले क्षती ग्रस्त भएको बरियारपुर प्रहरी चौकीले जनाएको छ । त्यसै गरी चम्पा देवीको फुस घरको छानो हावाहुरीले उठाएको छ ।
हावाहुरीका कारण १ लाख ४० हजार बराबरको क्षती भएको नागेश्वर गुप्ताले बताएका छन् भने चम्पा देवीले ६० हजार बराबरको क्षती भएको बताएकी छिन् । हावाहुरीले घर घत्काउँदा गर्मी र बर्षाको मौसममा परिवारको बिच्चली भएको नागेश्वर प्रसाद गुप्ताले बताउँनु भयो ।
