बारा — पचरौता नगरपालिका–१ स्थित नेपाल राष्ट्रिय माध्यमिक विद्यालयमा ८ कक्षामा अध्ययनरत १५ वर्षीय सरोज साहको मृत्यु भएको हो । हाम फाल्दा १४ वर्षीया छात्रा गम्भीर घाइते भएकी छन् ।
दुवै विधार्थीले एकै साथ विद्यालयको तेस्रो तलाको छतबाट हाम फालेको प्रहरी नायब उपरीक्षक रञ्जीतसिंह राठौरले जानकारी दिए ।
सरोज साहको वीरगञ्ज नारायणी अस्पतालमा उपचारका क्रममा मृत्यु भएको हो । छात्राको नेशनल मेडिकल कलेजमा उपचार भइरहेको छ ।
मृत फेला
त्यस्तै बाराको सिम्रौनगढ नगरपालिका–७ झवानी टोलमा घाँटी काटिएको अवस्थामा एक वृद्धको शव फेला परेको छ ।
इलाका प्रहरी कार्यालय सिम्रौनगढका प्रहरी निरीक्षक खगेन्द्र धमलाका अनुसार ६० वर्षीय परीक्षण महरा चमार आफ्नै घरमा मृतावस्थामा फेला परेका हुन् । शव परीक्षणका लागि कलैया अस्पताले पुर्याइएको छ । यो घटनाबारे प्रहरीले अनुसन्धान गरिरहेको छ ।
