बीरगंज, १३ जेठ — वडा प्रहरी कार्यालय श्रीपुरले अबैध रुपमा जुवा तास खेलिरहेको अवस्थामा नगदसहित ५ जनालाई रंगेहात पक्राउ गरेको छ ।
बीरगंज महानगरपालिका वडा न. १० अशोक बाटिका स्थित संदिप गुप्ताको घरमा डेरा गरी बस्ने हिरालाल प्रसाद गुप्ता, सत्यनारायण महतो, राजाराम महतो, राजु बहादुर क्षेत्रि र किसान सर्राफलाई आज दिउँसो तास खेलिरहेको अवस्थामा रंगेहात पक्राउ गरिएको वडा प्रहरी कार्यालय श्रीपुरका प्रहरी चक्र बहादुर मल्लले जानकारी दिनुभयो ।
उनिहरुको साथबाट नगद रु ३४ हजार ६ सय ३२ रुपैया समेत बरामद गरेको र आवश्यक अनुसन्धान भइरहेको प्रहरीले जनाएको छ ।
