ठोरी ३ मा निर्माण भएको नेपाल टेलिकम (एनटिसी)को टावर आज देखि औपचारिक सन्चालनमा आएको छ।हिजोदेखि परीक्षणका रूपमा सन्चालन गरिएको टावरको आज एक औपचारिक कार्यक्रमकाबीच प्रदेश सभा सदस्य सिंहासन साह कलवारले उद्घाटन गरेपछि टावर औपचारिक सन्चालनमा आएको हो।

टावर उद्घाटनपछि आयोजित कार्यक्रमलाई सम्बोधन गर्दै प्रमुख अतिथि समेत रहेका उनले ठोरी ३ लाई सन्चार सम्पर्कमा जोडन सहयोग गर्न पाएकोमा खुसी व्यक्त गरे।उनले आफ्नो प्रदेश २ सरकारसंग रहेको सिधा सम्पर्कको कारण टावर निर्माणकार्यले तिब्रता पाएको जिकिर गरे ।कार्यक्रममा भेला भएका स्थानीयले टावर निर्माणमा पहल थालेको भन्दै प्रदेश सभा सदस्य कलवारलाई माला लगाएर सम्मान समेत गरेका थिए।