बाँके-नेपालगन्जकाे भेरी अस्पताल गरिएको परीक्षणमा थप ११ जनामा कोरोना संक्रमण पुष्टि भएको छ ।
अस्पतालले एक विज्ञप्तिमार्फत पछिल्लो २४ घण्टामा थप ११ जनामा कोरोना संक्रमण पुष्टि भएको जनाएको हो । नयाँ थपेका संक्रमितमध्ये एकजना महिला र १० जना पुरुष रहेका छन् । संक्रमितमध्ये ९ जना बाँके र दुईजना सल्यानका हुन् ।
भेरी अस्पतालको प्रयोगशालामा पछिल्लो २४ घण्टामा २९५ जनाको कोरोना परीक्षण गरिएको थियो ।
