जनकपुरधाम, २८ असोज। धनुषाको क्षिरेश्वरनाथमा भएको बलात्कार घटनाका दोषीलाई उन्मुक्ति दिन खोजेको भन्दै जनकपुरधाममा प्रदर्शन गरेका हुन्।
प्रदर्शनकारीहरु जनकपुरस्थित मुख्यमन्त्री तथा मन्त्रिपरिष्दको कार्यालय समेत घेराउ गरेका थिए।
केही महिना अगाडी महेन्द्रनगरमा एक बालिकाको बलात्कार भएको थियो। उक्त यस घटनामा संलग्न एक युवक पक्राउ परेका थिए।अहिले उनी पुर्वपक्षका लागि थुनामा छन् तर सरकारी अधिकारीले नै उनलाई उन्मुक्ति दिन लागेको भन्दै प्रर्शन गरिएको छ।
नेपाल पीछडावर्ग विद्यार्थी संघका केन्द्रीय अध्यक्ष मोहन ठाकुरको नेतृत्वमा जिल्ला प्रशासन कार्यालय अगाडी प्रदर्शन गरिएका हुन्। प्रदर्शनमा उत्रेकाहरुले बलात्कारीलाई फाँसीको सजाय दिन माग गरेका छन् ।
संघका प्रदेश अध्यक्ष रवि कुमार साहले भने बलात्कारीलाई उन्मुक्ति दिने प्रयास भइरहेको छ, ‘बलात्कारीलाई उन्मुक्ति होइन्, फाँसी दिनुपर्छ’ बलात्कारीलाई उन्मुक्ति दिएमा कडा आन्दोलन गर्ने चेतावनी समेत दिएका हुन्।
