जनकपुरधाम, चैत १८ । जनकपुरधाममा गुणस्तर तथा नापतौल विभाग नेपाल र नेपाल रेफ्रिजेसिन एण्ड ईलेक्ट्रो मेक्यानिकल संघको संयुक्त आयोजनामा एसी, फ्रिज, गाडीबेयर कन्डिसनसहित ग्याससंग सम्बन्धि दुईदिने तालिम सुरु भएको छ ।
- Advertisement -
वातावरण सफा राख्ने, नयाँ प्रविधिसित जोड्ने, दुर्घटनाबाट जोगाउने तथा सुरक्षित बनाउने उदेश्यसहित सुरु भएको तालिममा धनुषा जिल्लाका ५० जनाको सहभागीता रहेको आयोजकले जनाएको छ ।
नेपाल रेफ्रिजेसिन एण्ड ईलेक्ट्रो मेक्यानिकल संघका धनुषा जिल्ला अध्यक्ष महावीर ठाकुरको अध्यक्षतामा तालिम चलिरहेको छ । तालिममा गुणस्तर तथा नापतौल विभाग नेपालका निर्देशक किशु मानन्धर र संघका केन्द्रीय अध्यक्ष बिनोद डंगोलको तालिममा विशेष उपस्थिति रहेको छ ।
