जनकपुरधाम, जेठ ३१ । धनुषाको नगराईन नगरपालिकाका एक वडा सचिव अख्तियारको फन्दामा परेका छन् ।
महोत्तरीको बर्दिबासस्थित अख्तियार दुरुपयोग अनुसन्धान आयोगको कार्यालयबाट खटेको टोलीले नगराईन नगरपालिका वडा नम्बर–२ का वडा सचिव अमृत झालाई बुधबार साँझ रंगेहात पक्राउ गरेको हो ।
वडा सचिव झाले सेवाग्राहीसँग कुनै काम गरेवापत नगद ७५ हजार रुपैयाँ घुस लिएको उजुरीका आधारमा अख्तियारबाट खटेको टोलीले उनलाई पक्राउ गरेको बताइएको छ ।
अख्तियारको टोलीले अहिले मुचुल्का उठाउने काम गरिरहेकोले थप कुरा पछि जानकारी गराउने जनाएको छ ।
