काठमाडाैं, २५ चैत्र । इजरायलले आइतबार मध्यराति गाजामा हवाई आक्रमण गरेको छ। यो आक्रमण अस्पताल नजिकै बनाइएका पत्रकारहरूको पाललाई लक्षित गर्दै गरिएको थियो, जसमा एक जना पत्रकारसहित दुई जनाको मृत्यु भएको छ।
- Advertisement -
घटनामा अरु नौ जना घाइते भएका छन्, जसमा ६ जना पत्रकारहरू रहेको जानकारी प्राप्त भएको छ। आक्रमण राति २ बजे खान युनिसको नासेर अस्पताल बाहिर पत्रकारहरू बस्ने पालमा भएको हो।
मृत्यु हुनेमा प्यालेष्टिनी टुडे न्यूजका पत्रकार यूसेफ अल–फाकावी र अर्को एक व्यक्ति रहेका छन्। इजरायली सेनाले भने आफूहरूले हमासका सेनामाथि आक्रमण गरेको र सर्वसाधारणलाई चोट नपुगाउने प्रयास गरेको बताएको छ।
- Advertisement -
यस आक्रमणसँगै अर्को छुट्टै आक्रमणमा १५ जनाको मृत्यु भएको जनाइएको छ।
