काठमाडौं, ३१ चैत्र । भारतमा जारी इन्डियन प्रिमियर लिग (आईपीएल) क्रिकेट अन्तर्गत आज दुई रोमाञ्चक खेलहरू हुँदैछन्। पहिलो खेल दिउँसो र दोस्रो खेल बेलुकी सम्पन्न हुनेछन्।
दिउँसोको खेलमा राजस्थान रोयल्स र रोयल च्यालेन्जर्स बेंगलुरु आमनेसामने हुनेछन्। यो खेल जयपुरको सवाई मानसिंह स्टेडियममा पौने ४ बजे सुरु हुनेछ।
राजस्थानले अहिलेसम्म ५ खेलमध्ये २ मा मात्र जित निकाल्दै अंकतालिकामा सातौँ स्थानमा छ, जबकि बेंगलुरुले ५ मध्ये ३ खेल जित्दै पाँचौँ स्थानमा स्थान बनाएको छ।
त्यस्तै, बेलुकीको खेलमा दिल्ली क्यापिटल्स र मुम्बई इन्डियन्स भिड्ने छन्। यो खेल दिल्लीको अरुण जेट्ली स्टेडियममा पौने ८ बजे सुरु हुनेछ।
दिल्लीले हालसम्म खेलेका सबै ४ खेल जित्दै अपराजित रहँदै शीर्ष स्थानमा छ। मुम्बई भने ५ खेलमध्ये १ मात्र जित निकाल्दै नवौँ स्थानमा संघर्ष गरिरहेको छ।
आईपीएलको आजको दुई खेलमा प्रतिस्पर्धा चर्को हुने अपेक्षा गरिएको छ।
