काठमाडौं,१५ कात्तिक । आईसीसी विश्वकप क्रिकेट लिग–२ अन्तर्गत चलिरहेको त्रिदेशीय सिरिजमा नेपालले अमेरिकालाई २७२ रनको लक्ष्य दिएको छ। टस गुमाएर पहिले ब्याटिङ गरेको नेपाल ५० ओभरको खेलमा २७१ रनमा अलआउट भयो।
नेपालका मध्यक्रमले आज सशक्त प्रदर्शन गरे। दीपेन्द्रसिंह ऐरीले उत्कृष्ट ७५ रन बनाए भने अन्तिमतिर करन केसीले आक्रामक ४९ रन थपेर टोलीलाई प्रतिस्पर्धात्मक स्कोरसम्म पु¥याए। ओपनर कुशल भुर्तेलले ४७, भिम सार्कीले ४३ र skipper रोहितकुमार पौडेलले ३६ रनको योगदान गरे।
बलिङतर्फ अमेरिकाका हरमित सिंह सर्वाधिक सफल रहे—उनले तीन विकेट लिए। नोस्टुस केन्जिगे र सौरभ नेत्रवलकरले समान दुई–दुई विकेट हात पारे भने जसदीप सिंह र शुभम रञ्जनेले एक–एक विकेट लिए।
यसअघिका खेलहरू नेपालका लागि निराशाजनक रहे। सिरिजको पहिलो भिडन्तमा नेपाल अमेरिकासँग १०८ रनले पराजित भयो भने दोस्रो खेलमा यूएईसँग पाँच विकेटले हार व्यहोरेको थियो।
त्रिदेशीय सिरिजको अन्तिम खेल नेपालले आउँदो बुधवार यूएईसँग खेल्नेछ। लिग–२ को समग्र तालिकामा नेपाल १८ खेलबाट १२ अंकसहित सातौँ स्थानमा छ। २२ खेलमा ३२ अंक बटुलेको अमेरिका शीर्ष स्थानमा छ भने यूएई १८ खेलबाट ८ अंक मात्र जोड्दै पुछारमा रहेको छ।
