जनकपुर,१८ कात्तिक । नेपाल प्रिमियर लिग (एनपीएल)को दोस्रो सिजनका लागि जनकपुर बोल्ट्सले नयाँ जर्सी सार्वजनिक गरेको छ। क्लबले मंगलबार आफ्ना आधिकारिक सामाजिक सञ्जालमार्फत आकर्षक जर्सी सार्वजनिक गरेको हो।
नयाँ जर्सीमा पिंक र गाढा निलो रङको संयोजन गरिएको छ, जसले टोलीको पहिचानलाई आधुनिक र स्टाइलिस देखाउने जनकपुरका प्रशंसकहरू टिप्पणी गरिरहेका छन्।
आगामी सिजनका लागि जनकपुर बोल्ट्सले विदेशी खेलाडीमा दक्षिण अफ्रिकाका वायन पार्नेल र श्रीलंकाका लाहिरु मिलान्थालाई अनुबन्ध गरिसकेको छ। टोलीमा आसिफ शेख मार्की खेलाडीका रूपमा रहेका छन् भने मुख्य प्रशिक्षकको जिम्मेवारी वेस्ट इन्डिजका शिवनराइन चन्द्रपालले सम्हाल्नेछन्।
- Advertisement -
टीम व्यवस्थापनले दोस्रो सिजनमा सशक्त प्रदर्शन गर्ने लक्ष्यसहित टोली तयार पार्ने बताएको छ।
