वीरगन्ज,१० माघ । पर्सा निर्वाचन क्षेत्र–३ मा प्रतिनिधिसभा सदस्यका उम्मेदवार नेकपा एमालेका युवा नेता रूपेश कुमार पाण्डेको चुनावी अभियान तीव्रता पाएको छ। निर्वाचन नजिकिँदै जाँदा उनका घरदैलो कार्यक्रममा देखिएको जनसहभागिता र उत्साहले क्षेत्रको राजनीतिक वातावरण सक्रिय बनेको छ।
पाण्डे दैनिक रूपमा टोल–टोल र बस्ती–बस्तीमा पुगेर मतदातासँग प्रत्यक्ष संवाद गर्दै स्थानीय समस्या, विकासका चुनौती र सम्भावनाबारे चर्चा गर्दै आएका छन्। स्थानीयवासीहरूले जनजीवनसँग प्रत्यक्ष जोडिएका विषयमा समाधानमुखी दृष्टिकोण राख्ने क्षमताका कारण पाण्डेमा विश्वास बढ्दै गएको बताएका छन्।
विशेषगरी युवा मतदाताहरू रोजगार सिर्जना, उद्यमशीलता प्रवर्द्धन र आधुनिक पूर्वाधार विकास सम्बन्धी एजेन्डाबाट प्रभावित देखिन्छन्। ज्येष्ठ नागरिक र अभिभावक वर्गले पनि इमानदार नेतृत्व र दीर्घकालीन विकासमा भरोसा राख्दै पाण्डेलाई समर्थन गर्दै आएका छन्।
पाण्डेले पर्सा–३ लाई कृषि, उद्योग, शिक्षा र स्वास्थ्य क्षेत्रको विकासमार्फत आत्मनिर्भर बनाउने योजना अघि सारेका छन्। युवालाई विदेश पलायन हुन बाध्य बनाउने अवस्थाको अन्त्य गर्दै स्थानीय स्तरमै रोजगारी सिर्जना गर्ने तथा वीरगन्ज केन्द्रित विकासलाई गाउँ–टोलसम्म विस्तार गर्ने प्रतिबद्धता उनले व्यक्त गरेका छन्।
स्थानीय राजनीतिक विश्लेषकहरूको अनुसार, एमालेप्रति बढ्दो जनविश्वास, संगठित पार्टी संरचना र उम्मेदवारको निरन्तर सक्रियताले पर्सा–३ मा एमालेको राजनीतिक उपस्थितिलाई थप सशक्त बनाएको छ।
