काठमाडाैं,२४ माघ । नेकपा एमाले नेतृ रामकुमारी झाँक्रीले देशले लुकेर जनतालाई त्रसित पार्ने “लुसिफर” खोजिरहेको होइन भन्ने स्पष्ट पारेकी छन्। उनले सामाजिक सञ्जालमार्फत यो धारणा व्यक्त गर्दै देशले खोजिरहेको नेता जनतालाई देखिने, छुँदा भेटिने, बोलाउँदा बोल्ने र सुन्ने हुनुपर्ने बताइन्।
झाँक्रीले आफ्नो सन्देशमा भनिन्, “देशले खोजिरहेको नेता भनेको सुख-दुःखको साझेदार, प्रेम र अपनत्व दिने, विश्वासको स्पर्श दिने राष्ट्रको अभिभावक हुनुपर्छ।” उनले यो टिप्पणी विशेषगरी रास्वपा पार्टीका उम्मेदवार बालेन्द्र साहप्रति लक्षित भएको जनाइन्।
उनको अभिव्यक्तिले आगामी राजनीतिक प्रतिद्वन्द्विता र नेताको गुणस्तरबारेको बहसमा नयाँ दृष्टिकोण थप्ने अपेक्षा गरिएको छ।
