काठमाडाै,०५ फागुन । बङ्गलादेशमा नयाँ सरकार गठन हुँदैछ। तारिक रहमानले मंगलबार संसद्मा प्रधानमन्त्रीको शपथ लिएका छन् भने नव निर्वाचित सांसदहरूले पनि पदभार ग्रहण गरेका छन्।
सन् २०२४ को विद्रोहपछि पहिलोपटक निर्वाचित प्रतिनिधि बनेका रहमानले शेख हसिनाको अपदस्थ सरकारको १८ महिनाको अन्तरिम शासनपश्चात पदभार सम्हालेका हुन्। नव निर्वाचित सांसदहरूलाई मुख्य निर्वाचन आयुक्त ए.एम.एम. नासिर उद्दीनले शपथ खुवाएका थिए।
बङ्गलादेश नेसनलिस्ट पार्टी (बीएनपी) का सांसदहरूले रहमानलाई औपचारिक रूपमा आफ्नो दलको नेता चयन गर्ने अपेक्षा गरिएको छ। यसैबीच राष्ट्रपति मोहम्मद साहाबुद्दिनले प्रधानमन्त्री र मन्त्रीहरूलाई पद तथा गोपनियताको शपथ खुवाउने तयारी गरेका छन्।
६० वर्षीय रहमानले फेब्रुअरी १२ को चुनावमा स्पष्ट जित हासिल गरेका थिए। उनले लामो समयको राजनीतिक उथलपुथलपछि देशमा स्थिरता पुनर्स्थापना गर्ने, विकास पुनर्जीवित गर्ने र राजनीतिक ध्रुवीकरण कम गर्दै सबै दलहरूलाई एकजुट रहन आह्वान गर्ने प्रतिबद्धता व्यक्त गरेका छन्।
