बीरगन्ज,१० फागुन । रामकिशोर सिंह मधेश प्रदेशको पर्सा जिल्ला क्षेत्र नम्बर १ का सक्रिय राजनीतिक व्यक्तित्व हुन्। अहिले उनी उज्यालो पार्टी सँग आवद्ध भई क्षेत्रीय राजनीति, संगठन निर्माण तथा जनसरोकारका विषयमा सक्रिय रूपमा कार्यरत रहेका छन्।
रामकिशोर सिंह पर्सा जिल्लाका स्थायी बासिन्दा हुन्। उनी लामो समयदेखि सामाजिक तथा राजनीतिक गतिविधिमा संलग्न रहँदै स्थानीय समुदायसँग प्रत्यक्ष सम्बन्ध कायम गर्दै आएका छन्। क्षेत्रको विकास, जनअधिकार र सामाजिक न्यायका विषयमा उनी निरन्तर आवाज उठाउँदै आइरहेका छन्।
सिंह उज्यालो पार्टीमार्फत सक्रिय राजनीति गर्दै पर्सा–१ मा पार्टी संगठन विस्तार, कार्यकर्ता परिचालन तथा जनसम्पर्क सुदृढीकरणमा महत्वपूर्ण भूमिका निर्वाह गर्दै आएका छन्। उनले स्थानीय तहमा पार्टीको उपस्थितिलाई मजबुत बनाउन विभिन्न कार्यक्रम, भेला तथा जनचेतनामूलक अभियान पनि सञ्चालन गरीरहेका छन्।
उनको मुख्य प्राथमिकतामा क्षेत्रीय विकास, शिक्षा सुधार, स्वास्थ्य सेवा विस्तार, रोजगारी सिर्जना, पूर्वाधार निर्माण तथा युवाको सशक्तिकरण रहेका छन्। स्थानीय जनताको समस्या सम्बन्धित निकायसम्म पुर्याउने र समाधानका लागि पहल गर्ने कार्य रहेका छन्।
राजनीतिसँगै सिंह सामाजिक सेवामा पनि संलग्न छन्। समुदायमा एकता, सहकार्य र विकासको वातावरण निर्माण गर्न उनले विभिन्न सामाजिक तथा जनहितका गतिविधिमा सहभागिता जनाउँदै आएका छन्। हाल रामकिशोर सिंह पर्सा क्षेत्र नम्बर १ मा उज्यालो पार्टीका एक सक्रिय नेताका रूपमा परिचित छन्। उनी पार्टीको नीति तथा कार्यक्रमलाई जनस्तरसम्म पुर्याउँदै क्षेत्रको समग्र विकास र जनताको हितका लागि कार्यरत छन्।
