काठमाडौं,०१ चैत । नेपाली कांग्रेसले समानुपातिकतर्फका सांसदहरूको सूची आइतबार टुंगो लगाएको छ। पार्टीको कार्यसम्पादन बैठकले कुल २० जना समानुपातिक सांसदको नाम पक्का गरेको हो।
कांग्रेस प्रवक्ता देवराज चालिसेका अनुसार, सूचीमा १५ महिला र ५ पुरुष सांसद समावेश छन्। महिलातर्फ आदिवासी जनजातिबाट ६, खस आर्यबाट ६ र बाँकी अन्य समूहबाट नाम टुंगो लगाइएको छ। प्रवक्ता चालिसेले बताएअनुसार नामावली निर्वाचन आयोगको निर्देशनअनुसार तयार गरिएको हो र सम्भवतः यसमा फेरबदल हुने छैन। साथै, उनले कांग्रेसले चाँडै बैठक गरी निर्वाचनको समीक्षा गर्ने पनि जानकारी दिएका छन्।
