धनुषा । १४ वर्षीयागर्नेलाई बालिकालाई बालात्कार गर्ने अपराधिलाई कडा कारवाहीको माग गर्दै धनुषामा प्रदर्शन भएको छ । गत बैशाख १५ गते स्थानीय १४ वर्षीया बालिकालाई बलात्कार गरेको आरोपमा पक्राउ परेका
अभियुक्तलाई थप कडा कारवाही गर्न भन्दै स्थानीयले प्रदर्शन गरेका हुन् । बलातकारमा परेकी बालिकाको अहिले काठमाडौँमा उपचार भइरहेको छ । तर उनको उपचारका लागि कसैले पनि ध्यान नदिदा स्वास्थ्य अवस्था
नाजुक बन्दै गएको भन्दै आफन्त र स्थानीय आक्रोशित भएका छन् ।
पीडित बालिकाको उपचारको लागि निशुल्क व्यवस्था मिलाउन र दोषीलाई कडा कार्वाही गर्नु पर्ने उनीहरुको माग रहेको छ ।
आक्रोशित स्थानीय टायर बालेर प्रदर्शनमा उत्रिएपछि प्रहरीसँग झडप भएको छ । मुख्य राजमार्गको विभिन्न स्थानमा टायर बालेर सडक नै अबरुद्ध गरेपछि प्रहरीसँग धक्कामुक्की भएको हो । प्रदर्शनमा महिलाहरु समेत
लाठी लिएर आएका थिए । जिल्ला प्रहरी कार्यालय धनुषाका डिएसपी रामेश्वर कार्कीको नेतृत्वमा खटिएको प्रहरीलाई भीड नियन्त्रणमा लिन हम्मेहम्मे परेको थियो ।
प्रदर्शनकारीहरुले भने प्रहरीले लखेटी लखेटी लाठी प्रहार गरेको गुनासो गरेका छन् ।
प्रहरीले प्रदर्शनकारीहरुमाथि व्यापक दमन गरेका कारण झडप भएको स्थानीय सतिश झाले बताए । पीडित बालिकाको उपचारका लागि प्रदेश सरकारले समेत चासो नदिएको स्थानीयले बताएका छन् ।
