वीरगञ्ज, ३० वैशाख – एभिन्युज टेलिभिजनमा गएराति प्रसारित कार्यक्रम सकसका प्रस्तोता सुरेन्द्र पाण्डेलाई ज्यान मार्ने धमकी दिइएको जनाइएको छ । ९८५१००५१८० को नम्बरबाट ज्यान मार्ने धम्की आएको एभिन्युज खबरले जनाएको छ ।
कार्यक्रम सकस को गएराति प्रसारित अंशमा उपप्रधान तथा स्वास्थमन्त्री उपेन्द्र यादवले प्रस्तोताको प्रश्नको जबाफ नदिई कार्यक्रमको बिचमै माईक फुकालेर बिचमै अन्तवार्ता छोडेर हिँडेपछि आम सञ्चारमाध्यममा व्यापक आलोचना भईरहेको छ । एभिन्युजबाट प्रसारित यस अन्तवार्ताको विषयलाई लिएर आक्रोषित समाजवादी पार्टिका कार्यकर्ताले आज एभिन्युज ब्युरो कार्यालय वीरगञ्जमा तोडेफोड समेत गरेका छन् ।
नेपाल पत्रकार महासंघ र प्रेस काउनसिलले घटनाको निन्दा गरेका छन् । नेपाल पत्रकार महासंघका सचिव राम प्रसाद काफ्लेले दुवै पक्षलाई संयमता अपनाउन आग्रह गरेका छन् । साथै आक्रमणकारी पक्षले क्षमायाचना गर्नुपर्ने र क्षतीपुर्ती उपलब्ध गराउनुपर्ने बताए । बेलाबेलामा नेपाली मिडियामाथि हुने आक्रमणले नेपालमा प्रेस स्वतन्त्रता संकुचित बन्दै गएको उनको भनाई छ ।
तत्कालिन संघीय समाजवादी पार्टि नेपालबाट वडाअध्यक्षमा निर्वाचित तुफान अंसारीको नेतृत्वमा युवा नेता निखिल वर्णवाल सम्मीलित समुहले वीरगञ्ज कार्यालयमा तोडफोड गरेका बुझिएको छ ।
