जनकपुरधाम । नेपाली कांग्रेसका उपसभापति तथा पूर्व गृहमन्त्री विमलेन्द्र निधिले सरकारले ल्याएको मिडिया काउन्सिल विधेयकविरुद्ध आफ्नो पार्टीले आन्दोलन गर्ने चेतावनी दिएका छन् ।
- Advertisement -
मंगलबार जनकपुरमा सञ्चारकर्मीसँग कुरा गर्दै नेता निधिले सरकारले ल्याएको मिडिया काउन्सिल विधेयक फिर्ता नलिए आन्दोलन गर्ने चेतावनी दिएका हुन् ।
पत्रकारलाई कठोर सजाय दिने कानून ल्याएर सरकारले प्रेस स्वतन्त्रता र लोकतन्त्रमाथि प्रहार गर्न खोजेको निधिले आरोप लगाए ।
निधीले प्रेस स्वतन्त्रता र अक्षुण्ता समाप्त पार्न विधेयक ल्याइएको पनि जिकिर गरे । सरकारबाटै प्रेस काउन्सिललाई कमजोर पार्ने प्रयास भइरहेको पनि निधिको भनाइ थियो ।
