वीरगन्ज, ४ जेठ — जिल्ला प्रहरी कार्यालय मकवानपुरले कुखुराको दाना बोकेको गाडीबाट १२० किलो गाँजा बरामद गरेको छ ।
- Advertisement -
शुक्रबार राति हेटौंडा उपमहानगरपालिका वडा न. ११ नवलपुरमा ३ नम्बर प्रदेश प्रहरी र मकवानपुर प्रहरीको संयुक्त प्रहरी टोलीले सुरक्षा जाँच गर्ने क्रममा चितवनबाट हेटौंडातर्फ आइरहेको ना ३ ख ३७१५ नम्बरको ट्रकबाट गाँजा बरामद गरेको हो । दानाको बोराभित्र ११ वटा प्लाष्टिकमा गाँजा पोको पारेर ल्याएको बिज्ञप्तीमा उल्लेख छ ।
प्रहरीले ट्रक धनी तथा चालक राक्सिराङ गाउँपालिका ३ का २८ वर्षीय सुकुलाल थिङ र भरतपुर महानगरपालिका १३ बस्ने ३१ वर्षीय नमराज दर्जीलाई पक्राउ गरी सार्वजनिक गरेको छ ।
