बीरगंज, ५ जेठ — पूर्वप्रधानमन्त्री एवम् नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले संघीय प्रणालीलाई नरुचाउनेहरू सल्बलाउन खोजेको बताउनुभएको छ ।
उहाँले त्यस्ता व्यक्तिहरूलाई चुप लगाउनका लागि संघीय प्रणालीले जनतालाई सेवा दिएर र विकास निर्माणका कामलाई तीव्रता दिनुपर्ने धारणा ब्यक्त गर्नुभयो । ललितपुरमा आइतबार आयोजित एक कार्यक्रममा प्रचण्डले संघीयता विरोधीहरूलाई चुप लगाउनका लागि विकास गर्ने र यसबाट जनतालाई बढीभन्दा बढी सेवा दिनुपर्ने बताउनुभयो ।
अध्यक्ष प्रचण्डले संघीय सरकारले अगाडि सारेको ’सुखी नेपाली, समृद्ध नेपाल’को नारालाई पनि साकार पार्नका लागि तीनवटै तहका सरकार लाग्नुपर्नेमा जोाड दिनुभयो । स्थानीय तहहरूले सुरुमा ऐन, कानुन र भौतिक संरचनाको कमीले गर्दा काम गर्न नसकेको भन्दै प्रचण्डले अब त्यो अवस्था हट्न लागेको दाबि गर्नुभयो ।
