बीरगंज, ६ जेठ — बाराको सिम्रौनगढ नगरपालिका वडा न. १ बैरियास्थित सिमा ईलाकाबाट सशस्त्र प्रहरीको टोलीले स्रोत नखुलेको १० लाख ९६ हजार ६ सय २५ रुँपैयासहित दुई जनालाई पक्राउ गरेको छ ।
- Advertisement -
पक्राउ पर्नेहरुमा बाराको करैयामाई गाँउपालिका वडा न. ८ नरही निवासि २६ वर्षीय सद्दाम अन्सारी र सोही ठाँउका १८ वर्षीय आकी थिजिज साह रहेका छन् ।
भारतबाट नेपालतर्फ ना४४प ३०४७ नम्वरको मोटरसाइकलमा आँउदै गरेको अवस्थामा सशस्त्र प्रहरी बल, नेपाल बोर्डर आउट पोष्ट पिपरपातीबाट खटिएको टोलीले उनीहरुलाई पक्राउ गरेको हो । शंका लागी जाँच गर्दा उनीहरुको साथबाट सो रुपैयाँ फेला परेपछि पक्राउ गरिएको एपिएफले जनाएको छ ।
सशस्त्र प्रहरीले निजहरुले प्रयोग गरेको उक्त मोटरसाइकल, दुई वटा मोवाईल फोन, एउटा पेनड्राईभ तथा विभिन्न बैङ्कको भौचर समेत बरामद गरेको छ ।
