काठमाडौं । कोरोना भाइरसको जोखिमबाट बच्न सरकारले देशभर एक साताको लागि ‘लकडाउन’ गरेको छ । आज (मंगलबार) बिहान ६ बजेदेखि १८ गते साँझ ६ बजेसम्म सबै नागरिकलाई घर बाहिर निस्कन रोक लगाएको छ ।
लकडाउन कर्फ्यू जस्तो कडा नभएपनि उल्लंघन गरे १ महिनादेखि ६ महिनासम्म कैद हुन सक्ने कानूनी व्यवस्था छ ।
संक्रामक रोग ऐन, २०२० अनुसार लकडाउन अवधिमा सरकारले प्रतिबन्ध गरेका काम गरे १ महिनासम्म वा १ सय रुपैयाँसम्म जरिवाना हुने व्यवस्था छ । यस्तो प्रतिबन्धको अपहेलना गर्ने व्यक्तिउपर १ महिनासम्म कैद वा रु. १०० सम्म जरिवाना वा दुवै सजाय हुने ऐनमा उल्लेख छ । ऐनसम्बन्धी मुद्दा प्रमुख जिल्ला अधिकारीले हेर्ने व्यवस्था रहेको छ ।
यसका साथै तोकिएको काम गर्ने अधिकारीलाई बाधा र्पुयाउनेलाई ६ महिनासम्म कैद वा ६ सय रुपैयाँसम्म जरिवाना वा दुवै हुने व्यवस्थासमेत गरेको छ ।
