21.1 C
Kathmandu
Thursday, December 1, 2022
21.1 C
Kathmandu
26.2 C
Birgunj

मंसिर ४ निर्वाचन : यस्ता हुनेछन् मतदान गर्ने मतपत्रको रङ

सिफारिस

Nepal Post Daily
Nepal Post Dailyhttps://nepalpostdaily.com
Nepal post daily is Nepal's Leading news website. Contact Person Santosh Sah : 9807184362 Office : 051520040

आइतबार हुने प्रतिनिधि सभा र प्रदेश सभा सदस्यका लागि हुने निर्वाचनको सम्पूर्ण तयारी पूरा भएको निर्वाचन आयोगले जनाएको छ । मतदानका लागि आयोगले कूल ८ करोड ४ लाख २१ हजार ५ सय मतपत्र छपाई गरी ढुवानी सम्पन्न गरिसकेको छ ।

- Advertisement -

प्रतिनिधि सभा र प्रदेश सभाको प्रत्यक्ष तर्फको निर्वाचन प्रणालीका लागि ४ करोड ६ लाख ५ मतपत्र छपाई गरिएको छ भने समानुपातिक निर्वाचन प्रणालीतर्फ ३ करोड ९८ लाख १६ हजार ५ सय मतपत्र छपाई गरी ढुवानी गरिसकिएको छ ।

कुन मतपत्र कस्तो रङको हुन्छ ?

प्रतिनिधि सभा र प्रदेश सभा निर्वाचनमा ४ वटा मतपत्रमा मतदान गर्नुपर्ने हुन्छ । प्रतिनिधि सभाको प्रत्यक्ष उम्मेदवारको र समानुपातिकको मतपत्र हुन्छ । यस्तै प्रदेश सभाको एउटा प्रत्यक्ष उम्मेदवार र अर्को समानुपातिक तर्फको मतपत्र गरी ४ मतपत्र हुन्छ । प्रतिनिधि सभा र प्रदेशसभाको प्रत्यक्ष तर्फको मतपत्र अर्थात उम्मेदवारलाई भोट दिने मतपत्र सेतो कागजमा रातो रङको मसीले लेखिएको विवरण र रातो रङको चिन्ह हुन्छ ।

यस्तै राजनीतिक दललाई मत दिने अर्थात् समानुपातिक तर्फ प्रतिनिधि सभा र प्रदेश सभाको मतपत्र सेतो कागजमा कालो रङको अक्षर र चुनाव चिन्ह हुन्छ । यो पटकको प्रतिनिधि सधा र प्रदेश सभा निर्वाचनका लागि प्रयोग हुने मतपत्रमा २ वटा मात्र रङ प्रयोग भएको आयोगका उपसचिव एवं सहप्रवक्ता सूर्यप्रसाद अर्यालले रातोपाटीलाई जानकारी दिए । संक्षेपमा उम्मेदवारलाई भोट दिने मतपत्रमा रातो चुनाव चिन्ह हुन्छ भने समानुपातिक अर्थात् राजनीतिक दललाई भोट मतपत्रमा कालो रङको चुनाव चिन्ह हुन्छ ।

- Advertisement -spot_img

ताजा समाचार

spot_img

थप समाचार

- Advertisement -