काठमाडौं,१३ साउन । सोमबार अमेरिका दुई फरक स्थानमा भएका गोलीकाण्डका घटनामा कम्तीमा पाँच जनाले ज्यान गुमाएका छन् भने कयौं घाइते भएका छन्।
पहिलो घटना न्युयोर्क सिटीको म्यानहट्टनमा भएको हो। कार्यालय भवनभित्र एक बन्दुकधारीले गोली चलाउँदा दुई जनाको मृत्यु भएको छ। प्रहरी कारबाहीमा आक्रमणकारी पनि मारिएको छ। घटनापछि न्युयोर्कका मेयर एरिक एडम्सले सामाजिक सञ्जालमार्फत मिडटाउन क्षेत्रमा ‘सक्रिय सुटर’ विरुद्ध अनुसन्धान जारी रहेको जानकारी दिएका छन्। साथै, स्थानीय बासिन्दालाई घरभित्रै सुरक्षित बस्न अनुरोध गरिएको छ।
त्यसैदिन नवाडा राज्यको रेनो शहरस्थित ग्रान्ड सिएरा रिसोर्टको पार्किङ क्षेत्रमा भएको अर्को गोलीकाण्डमा तीन जनाले ज्यान गुमाएका छन्। घटना बिहान करिब ७:२५ मा भएको बताइएको छ। गोलीकाण्डमा तीन जना घाइते भएका छन्, जसमा दुई जना प्रहरी अधिकृतसमेत छन्।
