काठमाडाै,०९ असाेज । लगातार वर्षाले डुबानमा परेको भारतको कोलकातामा करेन्ट लागेर कम्तीमा १० जनाको ज्यान गएको छ। १२ घण्टा लगातार परेको पानीले शहरका धेरै भाग जलमग्न भएका कारण जनजीवन अस्तव्यस्त बनेको छ।
बेनियापुकुर, कालिकापुर, नेताजी नगर, गरियाहाट, एकबलपुर, बेहला र हरिदेवपुर क्षेत्रहरूमा छुट्टाछुट्टै घटनामा ज्यान गुमेका छन्। भारतीय मौसम विज्ञान विभागका अनुसार २४ घण्टाभित्रै २५१.४ मिलिमिटर वर्षा भएको छ।
भारी वर्षाले सवारीसाधन सञ्चालनदेखि दैनिक गतिविधि प्रभावित भएका छन्। हवाई यातायातसमेत ठप्प बनेको छ। रिपोर्टअनुसार १०० भन्दा बढी उडानहरू प्रभावित भएका छन्, जसमा ६२ रद्द र ४२ ढिलाइ भएका हुन्।
