काठमाडौं,२३ असोज । जेन–जी आन्दोलनका माग सम्बोधन नभएको भन्दै माइतीघर मण्डलामा प्रदर्शन गर्ने प्रयास गर्दा डा। निकोलस भुसालसहित तीन जनालाई प्रहरीले नियन्त्रणमा लिएको छ।
आन्दोलनको एक महिनापछि पनि सरकारले माग पूरा नगरेको भन्दै असन्तुष्टि जनाउन भुसालको समूह भेला भएको थियो। तर, काठमाडौं जिल्ला प्रशासन कार्यालयले माइतीघर मण्डला र आसपासका क्षेत्रमा धर्ना, जुलुस र प्रदर्शन गर्न निषेध गरिएको सूचना पहिल्यै जारी गरिसकेको थियो।
प्रहरीले निषेधित क्षेत्रमा हुलबन्द भएर उभिन वा प्रदर्शन गर्न दिने छैन भन्ने चेतावनीसहित बाक्लो परिचालन गरेको थियो। सोही क्रममा प्रदर्शनको प्रयास गर्दा डा। भुसालसहित तीन जनालाई नियन्त्रणमा लिइएको प्रहरीले जनाएको छ।
- Advertisement -
जेन–जी आन्दोलनका अगुवाहरूको पक्राउपछि यस समूहको भविष्य रणनीति र आन्दोलनको दिशा के हुने भन्ने प्रश्न उठेको छ।
