बुटवल, १५ कात्तिक । धनगढीबाट काठमाडौं उडेको श्री एअरलाइन्सको फ्लाइट नम्बर २२२ हाइड्रोलिक फेलियरको कारण भैरहवा (गौतमबुद्ध) विमानस्थलमा आकस्मिक अवतरण गरिएको छ। विमानमा रहेका सबै ८२ जना यात्रु र चालक दल सकुशल रहेका छन्।
विमानस्थलका सूचना अधिकारी विनोदसिंह राउतका अनुसार, हाइड्रोलिक समस्याका कारण विमान रनवेबाट सामान्य रुपमा गुड्न सकेन। ल्यान्डिङको क्रममा अगाडिको गियर नखुल्दा विमान धानमार्गमा रोकिएको थियो, तर साढे १२ बजे गियर खुलेपछि विमानलाई ट्रमिनल पार्किङमा सुरक्षित राखिएको छ।
अवतरणका कारण करिब ४० मिनेट अन्य उडानहरू प्रभावित भए पनि अहिले सामान्य उडान–उतरान सञ्चालनमा फर्किसकेको छ। यात्रुहरूलाई काठमाडौं पुग्न अर्को विमानको व्यवस्था भइरहेको छ।
