काठमाडाैं,१६ माघ । आईसीसी महिला–टी २० विश्वकप ग्लोबल छनोट प्रतियोगिताको सुपर सिक्स चरणमा बङ्गलादेशले आज त्रिभुवन विश्वविद्यालय अन्तर्राष्ट्रिय क्रिकेट मैदानमा स्कटल्यान्डमाथि ९० रनको फराकिलो जित हासिल गरेको छ।
यसअघि बङ्गलादेशले निर्धारित २० ओभरमा १९१ रन बनाउँदै प्रतियोगिताकै उच्च स्कोर बनाएको थियो। कप्तान निगर सुल्तानाले अर्धशतकीय पारि खेल्दै ५६ रन जोडिन् भने शोभना मोस्तारीले ४७ र जुअरिया फरडोसले २२ रन योगदान दिइन्।
कठिन लक्ष्य पछ्याउने क्रममा स्कटल्यान्डले २० ओभरमा नौ विकेट गुमाउँदै १०१ रन मात्र बनाउन सक्यो। बङ्गलादेशकी मारुफा अख्तरले तीन विकेट लिए भने सोर्ना अख्तरले दुई विकेट लिएर विपक्षी टिमलाई सस्तैमा समाए।
यो जितसँगै बङ्गलादेशले सुपर सिक्स चरणमा आफ्नो दाबी थप बलियो बनाएको छ।
