काठमाडौँ,२८ जेठ । स्थानीय बजारमा सुनको मूल्य आज पनि घटेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला ५ हजार १ सय रुपैयाँले घटेको हो।
महासंघका अनुसार आज सुनको कारोबार मूल्य प्रतितोला २ लाख ८६ हजार ७ सय रुपैयाँ कायम भएको छ। यस्तै, चाँदीको मूल्य पनि घट्दै प्रतितोला ९० रुपैयाँले कमी आई ४ हजार ६५० रुपैयाँमा कारोबार भइरहेको छ।
यसअघि बुधबार सुन प्रतितोला २ लाख ९१ हजार ८ सय रुपैयाँमा कारोबार भएको थियो। पछिल्ला दिनहरूमा अन्तर्राष्ट्रिय बजारको प्रभावसँगै स्थानीय बजारमा पनि सुन–चाँदीको मूल्यमा उतारचढाव देखिँदै आएको छ।
