काठमाडौं,२८ जेठ । विभिन्न माग राख्दै माइतीघर मण्डलामा धर्ना दिइरहेका पीडित समूहहरूसँग गृहमन्त्री सुधन गुरुङ ले भेट गर्दै उनीहरूको समस्या समाधानतर्फ सरकार गम्भीर रहेको आश्वासन दिएका छन्।
माइतीघरमै पुगेका गृहमन्त्रीले आन्दोलनरत पीडितहरूको गुनासो सुनेका थिए। भेटका क्रममा उनले पीडितका मुद्दालाई राज्यले प्राथमिकताका साथ हेर्ने र न्याय सुनिश्चित गर्न आवश्यक कदम चालिने प्रतिबद्धता व्यक्त गरे।
“तपाईंहरूको धैर्यको म उच्च मूल्याङ्कन गर्छु, राज्य तपाईंहरूको साथमा छ, समस्या समाधान गरिनेछ,” उनले बताएका थिए।
पीडित पक्षले भने लामो समयदेखि आफ्ना मागहरू सम्बोधन नभएको भन्दै असन्तुष्टि व्यक्त गरेका थिए।
