काठमाडौं, वैशाख १२ । बारपाकलाई केन्द्रविन्दु बनाएर भूकम्प गएको ४ वर्ष भएको छ । २०७२ वैशाख १२ गतेको भूकम्पको केन्द्रविन्दु रहेको गोरखाको बारपाकमा नयाँ घर निर्माण भएका छन् ।
भूकम्पमा परि ७१ हजार ५ घर भत्किएकोमा अहिलेसम्म ४९ हजार ७० घर बनिसकेका छन् । भूकम्प अघि ढुंगाको छानो र ढुंगाकै पर्खाल रहेको परम्परागत बस्ती बारपाकमा पुनर्निर्माण भएकामध्ये धेरैजसो आरसीसी पक्की घर बनेका छन् । बारपाकका बस्तीको रुप नै फेरिएको छ ।
सो क्षेत्रबाट संसदमा प्रतिनिधित्व गर्दै आएका पूर्वप्रधानमन्त्री एवं नयाँ शक्ति पार्टीका संयोजक डा.बाबुराम भट्टराई गोरखा भूकम्पको चार वर्ष पुग्दा खुशी र दुःखको अनुभूति एकसाथ भएको टिप्पणी गर्छन् ।
