मुम्बई – बलिवुड अभिनेत्री प्रियंका चोपरा यति बेला उसको तस्बिर भाइरल बनेका छन् । उनी बिलबर्ड म्युजिक अवार्ड २०१९ मा सामेल हुँदाका तस्बिरले चर्चा पाएका हुन् ।
प्रियंकाले उक्त समारोहमा सामेल हुँदा एक करोड ८० लाख भारतीय रुपैयाँ बराबरको पहिरनमा सजिएको समाचार सञ्चारमाध्यममा उल्लेख छ ।
उक्त रकममा उनका लुगा, जुत्ता र गरगहनाको लागत जोडिएको छ । पेज सिक्स डटकमका अनुसार उक्त अवार्ड कार्यक्रममा प्रियंकाको स्टाइलबाट सबै चकित भए । उनले लगाएको हीराको इयररिङको मूल्य पाँच हजार ६ सय डलर र ब्रासलेटको मूल्य १२ हजार डलर पर्ने उल्लेख छ।
उनको घाँटी ११ हजार डलरको टिफनी तथा ५५ हजार अमेरिकी डलरको भिक्टोरियाको नेकलेसले सजिएको थियो । साथै उनी एक लाख ६५ हजार डलर पर्ने डायमन्ड नेकलेसले निकै खुलेकी थिइन् ।
३६ वर्षीया प्रियंकाको पहिरनले सबै दंग छन् । यसले पनि बलिउड कलाकार कति कमाउँछन् र कति खर्च गर्छन् भनेर अनुमान गर्न गाह्रो छ ।
