बिहेमा गएका युवाबीच झडप हुँदा एकको मृत्यु

बीरगंज, ३१ बैशाख — दैलेखको नारायण नगरपालिका वडा न. ५ छातिकोटमा सोमबार राति आफन्तको बिहेमा गएका युवाबीच झडप हुँदा एकको मृत्यु भएको छ । सोही ठाउँका ३२ वर्षीय प्रेमबहादुर थापाको मृत्यु भएको जिल्ला प्रहरी कार्यालय दैलेखले जनाएको छ ।

- Advertisement -

बिहेमा मदिरा सेवन गरेका स्थानीय पहलसिंह सारु र दानबहादुर थापा पक्षबीच झगडा भइरहेको बेला करिब राति १२ बजेतिर थापाको हत्या भएको प्रहरीले जनाएको छ ।

झडपमा संलग्नको प्रहरीले खोजी भइरहेको र घटनाबारे थप अनुसन्धान भैरहेको जिल्ला प्रहरी प्रमुख ठाकुरप्रसाद पोखरेलले जानकारी दिनुभयो । मृतक थापाको शव पोष्टमार्टमका लागि जिल्ला अस्पताल मा राखिएको छ ।