काठमाण्डौं, २५ असार सुन मुल्य अहिले सम्मकै उच्च विन्दुमा पुगेको छ । बिहिवार नेपाली बजारमा अहिलेसम्मकै उच्च मूल्यमा सुनको कारोबार भएको नेपाल सुनचाँदी व्यवसायी महासंघले जनाएको छ । बिहीबार छापावल सुनको मूल्य प्रतितोला ९२ हजार ४ सय रुपैयाँमा कारोवार भएको छ ।
यस्तै गरी तेजाबी सुनको मूल्य ९१ हजार ९६५ रुपैयाँमा कायम भएको छ भने चाँदीको भाउ तोलामा २५ रुपैयाँले बढेर ९८० रुपैयाँ प्रतितोला कायम भएको नेपाल सुनचाँदी व्यवसायी महासंघले जनाएको छ । बुधबारको तुलनामा प्रतितोला ९ सय रुपैयाँले सुनको भाउ बढेको महासंघ महासंघका महासचिव धर्म सुन्दर बज्राचार्यले वताउनु भयो ।
सुन भाउ नयाँ रेकर्ड कायम गरी रहदा सुनको कारोवार ह्रास भएको छ । बिहेको लगनमा पनि सुन पसलमा कारोवार भने थप्प रहेको छ । बिहिको लगनमा १० लाखको कारोवार गर्ने पसल मुश्लिले पनि १ लाख सम्मको व्यापार गर्न नसकेको व्यासायीहरुले वताएका छन् । बिहेको लगन सकिनै लाग्दा लकडाउन तथा भाउ उत्तार चढाउले सुनचाँदीको व्यापार ठप्प भएको व्यापारीहरुले वताएका छन् ।