7.7 C
Kathmandu
Saturday, January 28, 2023
7.7 C
Kathmandu
10.6 C
Birgunj

चुनावी परिणामले मधेस प्रदेश सरकारका मन्त्रीहरुमा निराशा

सिफारिस

Nepal Post Daily
Nepal Post Dailyhttps://nepalpostdaily.com
Nepal post daily is Nepal's Leading news website. Contact Person Santosh Sah : 9807184362 Office : 051520040

जनकपुर,१५ मंसिर । मधेस सरकारका मन्त्रीहरुका लागि यो चुनावले निराशा ल्याएको छ । प्रदेशका तीन जना प्रमुख मन्त्रीहरु पराजित भएका छन् । मंसिर ४ गते भएको चुनावमा मुख्यमन्त्रीसहित ६ जना चुनावी मैदानमा उत्रिएका थिए जसमध्ये मधेस प्रदेश सरकार तीन मन्त्री पराजित भएका हुन् ।

- Advertisement -

मधेस प्रदेश सरकारका अर्थमन्त्री शैलेन्द्रप्रसाद साह, भूमि व्यवस्था, कृषि तथा सहकारीमन्त्री विजयकुमार यादव र उद्योग, पर्यटन वन तथा वातावरण मन्त्री शत्रुधनप्रसाद महतो पराजित भएको निर्वाचन आयोगले जनाएको छ ।

‘प्रदेश सरकारको कामकाजले नागरिक असन्तुष्ट रहेको सङ्केत यसपालिको चुनावले दिएको,’ रामस्वरुप रामसागर बहुमुखी क्याम्पस जनकपुरधामका अवकाशप्राप्त प्राध्यापक रहेका राजनीतिक विश्लेषक शम्भुनाथ झाले बताए । नागरिकको भन्दा आफ्ना नातागोतालाई प्रश्रय दिएका कारण यो अहिले भएको उहाँको भनाइ छ ।

- Advertisement -

सप्तरी क्षेत्र नम्बर २ (क) बाट प्रतिस्पर्धा गरेका अर्थमन्त्री साह जनमत पार्टीका सतिशकुमार सिंहसँग ८ हजार ४४२ मतले पराजित हुनुुभएको छ । यो क्षेत्रबाट विजयी भएका सिंहलाई १६ हजार ७३४ मत आएको थियो भने उहाँका निकटतम् प्रतिस्पर्धी रहेका ८ हजार २ सय ९२ मत ल्याउनुुभएको छ ।

यसैगरी सिरहाको क्षेत्र नम्बर २ (क) बाट चुनाव लडेका कृषिमन्त्री विजयकुमार यादवलाई जनमत पार्टीकै सञ्जयकुमार यादवले ६४४ मतले पराजित गर्नुभएको छ । योे क्षेत्रबाट विजयी भएका सञ्जयलाई १२ हजार १७१ मत आएको थियो भने उहाँका निकटतम् प्रतिस्पर्धी विजयलाई ११ हजार ५२७ मत आएको छ ।

यस्तै उद्योग पर्यटन वन तथा वातावरण मन्त्री शत्रुधन महतोलाई नेकपा (एमाले) का हरिनारायण महतोले १ हजार ३४२ मतले पराजित गर्नुभएको छ । यो क्षेत्रबाट विजयी भएका हरिनारायणलाई १७ हजार ३०२ मत आएको थियो भने उद्योग मन्त्री शत्रुधनलाई १५ हजार ९६० मत आएको छ । शत्रुधन एकीकृत समाजवादी पार्टीबाट प्रतिस्पर्धामा हुनुहुन्थ्यो ।

मधेस प्रदेश सरकारका तीन जना मन्त्री पराजित हुँदा मुख्यमन्त्री लालबाबु राउत पर्सा क्षेत्र नम्बर १ (ख) बाट, कानुन न्याय तथा प्रदेश सभा मामिलामन्त्री प्रमोदकुमार यादव सिरहा क्षेत्र नम्बर ३ (ख) बाट र गृह तथा सञ्चारमन्त्री भरतप्रसाद साह महोत्तरी क्षेत्र नम्बर १ (ख) बाट पुनः निर्वाचित हुुनुुभएको छ । ‘नागरिकका लागि काम गरेकाले आफूले जितेको गृह तथा सञ्चार मन्त्री साहले दाबी गर्नुभयो ।

प्रदेश सरकारका अरु मन्त्रीहरु किन हारे यसको उत्तरमा मन्त्री साहले भन्नुुभयो, ‘यो समीक्षाको विषय हो यसको हामीले पछि समीक्षा गर्ने नै छौँ।’ प्रदेश सरकारको भ्रष्टाचारका लागि पटक पटक आवाज उठाउँदै आएका सामाजिक संस्था (मास) का अध्यक्ष सरोज मिश्रले प्रदेश सरकारमा अत्यधिक भ्रष्टाचार बढेको प्रमाणसहित राख्दा पनि मुख्यमन्त्रीसहित सबैले नजरअन्दाज गर्दै आएका थिए तर नागरिकले सवक सिकाएको बताउनुुभयो ।

प्रदेश सरकारमा अरुलेजस्तो राम्रो काम गर्न नसकेको आरोप खेप्दै आएका सामाजिक विकासमन्त्री नवलकिशोर साह भने सप्तरी क्षेत्र नम्बर १ बाट प्रतिनिधि सभा सदस्यमा निर्वाचित हुनुुभएको छ।

 

- Advertisement -spot_img

ताजा समाचार

थप समाचार

- Advertisement -