कैलाली,१२ चैत । जनता समाजवादी पार्टीका अध्यक्ष उपेन्द्र यादवले नागरिक उन्मुक्ति पार्टीका संरक्षक रेशम चौधरी केही महिनामै रिहा हुने दाबी गरेका छन् ।
आज धनगढीमा पत्रकारहरूसँग कुरा गर्दै उनले सर्वोच्च अदालतबाट चौधरी रिहा हुने दाबी गरे । ‘रेशम चौधरीलाई रिहा गर्नु पर्छ । थरुहट आन्दोलन ले उठाएका मुद्दाहरु सम्बोधन गर्नुपर्छ, उनले भने, ‘ रेशम चौधरी केही महिना भित्रै रिहाइ हुने, सर्वोच्च अदालतले रिहाइ गर्छ भन्ने सम्भावना देखिन्छ।’
मुद्दाको प्रकृति हेर्दा उनी रिहाइ हुने सम्भावना रहेको यादवको दाबी थियो । अर्को प्रसङ्गमा उनले नेकपा एकीकृत समाजवादीसँग एकता हुन ढिलाइ हुनुको कारण पनि खोले ।
‘नेकपा एस र जसपाकोचीमा एकता गर्ने कुराहरू चर्चा परिचर्चामा अगाडी बढेको छ । एक दुई पटक छलफल भएको छ । धेरै कुरा मिल्छ एउटा समस्या छ जसपा समाजवादी पार्टी पार्टी हो अगाडी बढिसकेको छ’ उनले भने , नेकपा छोडेर एकीकृत समाजवादी मात्रै राखे एकता सम्भव छ ।’
राष्ट्रिय समस्याहरू समाधान गर्न संविधान संशोधन आवश्यक रहेको पनि उनले औँल्याए । यादवले केही दिनमै मन्त्रिपरिषद् विस्तार हुने समेत दाबी गरेका थिए ।
उनले आफूले उपनिर्वाचन लड्न विषयमा अझै निर्णय गरि नसकेको समेत जानकारी दिएका थिए ।
‘तीन ठाउँमा उपनिर्वाचन हुन गइरहेको छ । बाराको बढी चर्चा छ । गठबन्धनबाट पनि संसद्मा आउनु पर्छ भनिरहनु भएको छ’ यादवले भने, ‘तर, हाम्रो पार्टी र गठबन्धनले अहिले सम्म कुनै निर्णय गरेको छैन । अघिल्लो पटक सरकारको दिशा स्पष्ट नभएका कारण हामी सरकारमा नगएका हौँ । अहिले सरकार ठोस कदममा अगाडी बढेको छ।’
प्रदेश सरकारहरूलाई अधिकार दिन नहुने यादवको जोड थियो ।
