सम्पादकीय
पर्साको धोविनी गाउँपालिकामा भुक्तानीको बिषयलाई लिएर हुने गरेको बिवाद कुनै नौलो होइन् । पटक पटक जनप्रतिनिधि एवं कर्मचारीहरु बिच योजना कार्यवन्यन एवं भुक्तानीको बिषयमा बिवाद हुदै आएको छ । तर २० गते मंगलबार कुरा यतिसम्म बिग्रियो कि कर्मचारी एवं जनप्रतिनिधिहरु बिच हात हलाहालको स्थिती सृजना भयो ।
जनप्रतिनिधिहरुले गाउँपालिकाको प्रमुख प्रशासकीय अधिकृत प्रमोद कुमार साह लामो समयदेखि कार्यालयमा अनुपस्थित रहेको एवं वीरगंजबाटै समान्तर कार्यालय संञ्चालन गरेको आरोप लगाउँदै बिवाद सृजना गरेका थिए । तर कर्मचारीहरुले भने नियम बिपरित भुक्तानीको लागि दवाव दिएपछि बिवाद भएको बताउँदै आएका छन् । बिवादपछि सत्य तथ्य कुराको छानबिन गर्न प्रहरी प्रशासनले एक जनालाई पक्राउ गरी काम गरी रहेको छ । सत्य तथ्य कुरा प्रहरी अनुसन्धानबाट खुल्ने छ । तर जुन खालको गाउँपालिका अध्यक्षकै कार्यालय कक्षमा क्रियाकलापहरु सृजना भयो । त्यसले स्थानिय तहमा अराजकता भइरहेको संकेत गरेको छ । यसले कर्मचारीहरु त्रसित हुने अवस्था सृजना गरेको छ । गल्ती गर्ने पक्षलाई कारवाही गर्ने एवं कारवाहीको लागि सोधिखोजी गर्ने प्रयाप्त ठाउँहरु हुदा हुँदै आफै न्यायधिस बन्ने अधिकार कोही कसैलाई छैन् ।
धोविनीगाउँपालिका बिगतदेखि वर्तमानसम्म भ्रष्टाचारमा लिप्त रहेको कुरा कसैसँग नलुकेको र त्यसमा धेर थोर कर्मचारी पक्ष र जनप्रतिनिधिहरु दुवैको मिलोमतो रहेकोमा कुनै शंका छैन् । कर्मचारीहरुले काम कारवाहीलाई नियम संगत रुपमा सम्पादन गर्नु पर्ने एवं जनप्रतिनिधिहरुले योजना तजुर्मा,कार्यवन्यन एवं अनुगमनलाई चुस्त बनाउँनु पर्ने हो । धोविनी गाउँपालिकामा भन्ने दुवै कुराको कमी देखिएको छ । तर कुरा मारपिटबाट मात्रै समाधान हुन्छ भन्ने पक्षमा हामी छैनौ । समस्या सधानको लागि अन्य बिवेक पूर्ण उपायहरु अपनाउँन सकिन्थ्यो ।
जुन कुरा हुन सकेन् । जसको फलस्वरुप स्थिती हानाहानको सृजना भयो । कहि नकहि स्थानिय स्तरमा आएको अधिकारको जनप्रनिधिहरुले दुरुपयोग गरिएको देखिन्छ । यसले स्थानिय तह एवं संघियतालाई कमजोर गर्ने काम गर्ने छ । पालिकाहरुमा कर्मचारीको कमी हुनु एवं कर्मचारीहरुकै मिलोमतोमा भ्रष्टाचार हुनुमा सबै भन्दा बढी दोषी जनप्रतिनिधिहरु नै रहेको बिभिन्न घटनाहरुले प्रष्ट पारी सकेको छ ।
अतः जनप्रतिनिधिहरुलाई आफ्नो आचरणमा सुधार गर्न आवश्यक छ । त्यसको साथसाथै कर्मचारीहरु पनि आर्थिक प्रलोभनमा नपरी कानुनले दिएको अधिकारीहरुको पालाना गर्दै काम गर्न सके मात्र नेपाल बन्न सक्छ । नेपाल निर्माणमा सबैको सहभागी र भागेदारी हुनु पर्छ । जनप्रतिनिधिहरुले आफ्नो कार्यशैलीमा सुधार ल्याई अगाडी बढनु पर्छ एवं भ्रष्टाचारी कर्मचारीलाई कानुनी दायरामा ल्याउन सहयोग गर्नु पर्छ । तर त्यसको बिकल्प कुटाकुट हानाहान एवं कुनै किसिमको अराजक गतिबिधि हुन सक्दैन् ।
