काठमाडौँ, १० चैत्र । नेपाली कांग्रेसका सभापति शेरबहादुर देउवाले पूर्वराजा ज्ञानेन्द्र शाहलाई राजनीति गर्न चाहने भए आफ्नै पार्टी खोल्न सुझाव दिएका छन् । कांग्रेसको बागमती प्रदेश प्रशिक्षण कार्यक्रममा आइतबार बोल्दै देउवाले नेपालमा राजतन्त्र फर्किने कुनै सम्भावना नरहेको बताए ।
- Advertisement -
‘नेपालमा राजतन्त्रको पुनःस्थापना असम्भव छ। ज्ञानेन्द्र संवैधानिक राजा बन्न लायक व्यक्ति पनि होइनन्। बरु राप्रपाले उनलाई पार्टी सभापति बनाए हुन्छ,देउवाले भने, ।’
उनले पूर्वराजा शाहलाई सिधै राजनीति गर्न चाहने भए पार्टी खोल्न आग्रह गरे । तर, उनले चेतावनी दिँदै भने, ‘ज्ञानेन्द्रले पार्टी खोले पनि त्यसमा लाग्नेहरूलाई धेरै दुःख हुनेछ ।’साथै, देउवाले गणतन्त्रका विरुद्धमा कोही पनि लाग्न नहुने भन्दै लोकतन्त्रलाई संस्थागत गर्न कांग्रेस कार्यकर्ताहरूलाई एकजुट हुन निर्देशन दिए ।
