काठमाडौं,१३ चैत । समाजवादी मोर्चाको बैठक जारी छ । एकीकृत समाजवादीको केन्द्रीय कार्यालयमा आलोकनगरमा बैठक बसिरहेको हो । बैठकमा समाजवादी मोर्चामा नेकपा माओवादी केन्द्र, नेकपा एकीकृत समाजवादी र नेपाल समाजवादी पार्टी, नेकपा सहभागी छन् ।
मोर्चाले राजावादी शक्तिहरूले सक्रियता बढाएपछि यही १५ गते भृकुटिमण्डपमा वृहत् प्रदर्शन गर्ने भएको छ । त्यसैको तयारीका लागि एजेन्डा तयार गर्न बैठक बसेको माओवादी महासचिव देव गुरुङको भनाइ छ ।
यता राजावादीहरूले पनि १५ गते नै आन्दोलन गर्ने तयारी गरेका छन् । आजको बैठकमा सरकारले नेपाल विद्युत् प्राधिकरणका कार्यकारी निर्देशक कुलमान घिसिङलाई हटाएको विषयमा पनि छलफल हुने बताइएको छ ।
- Advertisement -
सरकारले जनअपेक्षा अनुसार काम नगर्दा राजावादीले गतिविधि बढाएको मोर्चाका नेताहरूले पटक-पटक भन्दै आएका छन् ।
