काठमाडौं, २६ चैत्र । उपप्रधानमन्त्री र अर्थमन्त्री विष्णुप्रसाद पौडेलले देशको समग्र विकासमा श्रोत व्यवस्थापन एक चुनौतीपूर्ण विषय बन्दै गएको बताएका छन्। मंगलबार काठमाडौंमा नेपाल चार्टर्ड एकाउण्टेन्ट्स संस्थाको कार्यक्रममा बोल्दै उनले यस्तो टिप्पणी गरेका हुन्।
उनले नेपालमा लगानीको वातावरण सुधार गर्न सरकार सक्रिय रहेको र निजी क्षेत्रलाई लगानी आकर्षित गर्न विभिन्न उपायहरू अपनाइरहेको बताए। पौडेलले देशको आर्थिक प्रगति र रोजगारी सिर्जनामा निजी क्षेत्रको महत्वपूर्ण भूमिका रहेको उल्लेख गर्दै, “हामी विदेशी र घरेलु लगानीकर्ताहरुलाई आकर्षित गर्नका लागि कानूनमा सुधार गरिरहेका छौँ,” भने।
उनीनले लगानीका लागि नयाँ अध्यादेश ल्याई त्यसलाई कानूनको रूपमा रूपान्तरण गरिएको र आवश्यक निर्देशिका र मापदण्ड पनि तयार रहेको जानकारी दिएका छन्। मन्त्री पौडेलले सरकारले छिट्टै यी नियमहरूलाई पारित गर्ने योजना राखेको पनि उल्लेख गरे।
उपप्रधानमन्त्री पौडेलले देशका समृद्धिका लागि प्रगतिको मुख्य कारक लगानी र श्रोत व्यवस्थापनको सुधार आवश्यक भएकोमा जोड दिएका छन्।
