बीरगन्ज,०२ भदौ । गायक तथा संगीतकार सुनील पण्डितको नयाँ लोकपॉप गीत ‘राज करतानी’ एक भव्य समारोहबीच बीरगन्जमा सार्वजनिक गरिएको छ। कार्यक्रममा पत्रकार, संगीतप्रेमी र स्थानीय दर्शकहरूको उल्लेख्य उपस्थिति देखिएको थियो।
गीतमा मुख्य कलाकारका रूपमा नीभा यादव, दीपेश शर्मा र धीरज पण्डितको अभिनय रहेको छ, जसले भिडियोमा कथानकलाई जीवन्त बनाएका छन्। कार्यक्रमको क्रममा कलाकारहरूले गीतप्रति आफ्नो अनुभव र मिहिनेत साझा गर्दै दर्शकहरूलाई सन्देश दिए “गीतलाई माया गरिदिनुहोस्, यो हाम्रो संस्कृति र प्रेमको कथा हो।”
गायक पण्डितले यो गीतमा संगीत, शब्द र गायन तीनै भूमिका निभाएका छन्। उनका अनुसार ‘राज करतानी’ केवल मनोरञ्जन मात्र नभई, सामाजिक सन्देश बोकेको र साँचो भावनामा आधारित सिर्जना हो।
भिडियोको उत्कृष्ट छायांकन, सशक्त अभिनय र आकर्षक प्रस्तुति कारण यो गीतले छोटो समयमै चर्चा बटुल्ने अपेक्षा गरिएको छ। वीरगन्जमा सम्पन्न यो रंगीन विमोचन समारोहले स्थानीय सांगीतिक माहोलमा ताजगी भरेको छ।
गीत अहिले डिजिटल प्लेटफर्महरूमा उपलब्ध छ।
