वीरगन्ज,१४ जेठ । वीरगन्ज महानगरपालिका–१२ स्थित मुर्ली चौक नजिक आज ईभी र मोटरसाइकल आपसमा ठोक्किँदा एक जना घाइते भएका छन्।
प्रहरीका अनुसार बागमती प्रदेश ०८–००१ ज ०३४५ नम्बरको ईभी र हिरो होन्डा मोटरसाइकल एकआपसमा ठोक्किएर दुर्घटना भएको हो।
दुर्घटनामा घाइते भएका मोटरसाइकल चालकलाई तत्काल उपचारका लागि नारायणी अस्पताल पठाइएको प्रहरीले जनाएको छ। घटनाबारे थप अनुसन्धान भइरहेको प्रहरीले जानकारी दिएको छ।
