शनिबार, असार २, २०८१
Sat, June 15, 2024

झडपको भिडियो मोवाईलमा कैद...

वीरगंज,२ असार - सार्वजनिक भवन तोडफोड गर्ने क्रममा स्थानिय र प्रहरी बिच भएको...

रौतहटमा शौच गर्न निस्किएका...

१ असार, रौतहट । रौतहटको सदरमुकाम गौर नगरक्षेत्र अन्तर्गत केराबारीमा अपरान्ह एक जना...

कांग्रेस सकारात्मक प्रतिपक्षको भूमिकामा...

१ असार, कञ्चनपुर । नेपाली कांग्रेसका उपसभापति पूर्णबहादुर खड्काले कांग्रेसले सकरात्मक प्रतिपक्षको भूमिका...

बजेट कति ठीक र...

१ असार, काठमाडौं ।  नेपाल कम्युनिष्ट पार्टी (एमाले) का अध्यक्ष केपी शर्मा ओलीले...
25.1 C
Kathmandu
31 C
Birgunj

ठोरी ४ घ्याङडाडामा आकर्षक गुम्बा निर्माण हुने

गापा अध्यक्ष श्रेष्ठद्वारा शिलान्यास

सिफारिस

Nepal Post Daily
Nepal Post Dailyhttps://nepalpostdaily.com
Nepal post daily is Nepal's Leading news website. Contact Person Santosh Sah : 9807184362 Office : 051520040

ठोरी बैशाख १६  — गाउँपालिका वडा ४ पर्साको ठोरी गाउँपालिका ४ घ्याङडाडामा आकर्षक र नमुना बौद्ध गुम्बाको निर्माण हुने भएको छ।ठोरी गाउँपालिकाले सो गुम्बा निर्माणका लागी बजेट बिनियोजन गरेपछि गुम्बा निर्माण गर्न लागिएको हो।यसअघि नै उक्त ठाउँमा साङ रिङ्क्षेणलिङ बौद्ध गुम्बा र नेपालकै अग्लो बौद्ध झण्डा रहेको छ।

- Advertisement -

घ्याङडाडालाई पर्यटकीय केन्द्रको रुपमा विकास गर्न गाउँपालिकाले बहुबर्षिय योजनाका रुपमा छनोट गरेको उक्त गुम्बा निर्माणका लागी चालू आर्थिक बर्षमा रु १५ लाख बजेट बिनियोजन गरेको गाउँपालिका कार्यालयले जनाएको छ।

गुम्बाको निर्माणका लागी स्थानीय युवा बुद्धलाल पाख्रीनको अध्यक्षतामा ७ सदस्यीय गुम्बा निर्माण उपभोक्ता समिति गठन गरिएको छ।गुम्बा ठोरी गाउँपालिकामा नै सुन्दर र नमुना बनाइने उपभोक्ता समितिका अध्यक्ष पाख्रीनले जानकारी दिए।उनका अनुसार गुम्बाको लम्बाई ८० फिट र चौडाइ ५० फिटको हुनेछ ।

- Advertisement -

गाउँपालिकामा नै नमुनाको रुपमा निर्माण हुन लागेको उक्त गुम्बाको आज एक कार्यक्रमकाबीच गाउँपालिका अध्यक्ष पदमलाल श्रेष्ठले शिलान्यास गरेका छन् ।

बौद्ध धर्मका धार्मिक लामा गुरुहरुबाट पुजापाठ गरिएपछि गाउँपालिका अध्यक्षले शिलान्यास गरेको उपभोक्ता समितिका अध्यक्ष पाख्रीनले बताए । शिलान्यास कार्यक्रममा गाउँपालिका अध्यक्षको साथमा वडाध्यक्ष बई बहादुर पाख्रीन पनि थिए ।

शिलान्यासपछि आयोजित कार्यक्रमलाई सम्बोधन गर्दै अध्यक्ष श्रेष्ठले ठोरीलाई धार्मिक पर्यटनको केन्द्र बनाउनका लागी गुम्बा निर्माण गर्न लागिएको बताए ।

उनले गाउँपालिकाले सबै धर्मको धार्मिक स्थल निर्माणमा उत्तिकै महत्त्व दिएको जिकिर गरे।त्यसैगरी वडाध्यक्ष पाख्रीनले गुम्बा निर्माणपछि यस क्षेत्रमा पर्यटकहरुको चहलपहल बढ्ने धारणा व्यक्त गरे।

कार्यक्रममा गापा अध्यक्ष श्रेष्ठ र ठोरी ४ का वडाध्यक्ष पाख्रीन सहित बोर्ड सदस्य कान्छीमाया पाख्रीन,पत्रकार सन्तोष देउजा, उपभोक्ता समितिका पदाधिकारीहरु,स्थानीय सामाजिक अगुवाहरूको उपस्थिति थियो ।

- Advertisement -spot_img

ताजा समाचार

spot_img

थप समाचार