काठमाडौं — ट्वीटरले कसैले गरेको ट्वीटलाई अन्य व्यक्तिले रिट्वीट गर्ने नियममा परिवर्तन गरेको छ। यसअघि टेक्स्टमात्र सपोर्ट गर्ने गरेकोमा अब रिट्वीटमा पनि विभिन्न फोटो, भिडियो जोड्न सकिने भएको छ।
- Advertisement -
ट्वीटरले यो सुविधा निकै ढिलो गरी ल्याए पनि यसले प्रयोगकर्तालाई उत्साहित बनाउने अनुमान गरिएको छ। कम्पनीले यो फिचर ढिलो गरी आउनुको कारणमा यो ठूलो प्रोजेक्ट भएको र यसले समग्र ट्वीट डिटेल पेजका साथै टाइमलाइनमा पनि असर पर्ने उल्लेख गरेको छ।
‘यसले ट्वीट डिटेल पेजका साथै टाइमलाइनमा पनि असर पार्ने हुँदा हामीले प्रत्येक ती क्षेत्रलाई नयाँ डिजाइन र काममार्फत समाहित गरेका छौं’, ट्वीटरले भनेको छ। यो विस्तार गरिएको रिट्वीट फिचर हालका लागि आईओएस प्रयोगकर्ता अर्थात् आइफोनमा मात्र उपलब्ध छ।
