नयाँ दिल्ली । इन्डियन प्रीमियर लीग (आइपीएल) २०२० को सम्पूर्ण खेल तालिका सार्वजनिक गरिएको छ । आइपीएलको यो १३ औं सीजनको सुरुवात १९ सेप्टेम्बर अर्थात असोज ३ गते शनिवारदेखि अबुधाबीमा हुने भएको छ ।
सोमबार असोज ५ गते सनराइजर्स हैदराबाद र रोयल च्यालेञ्जर्स बेंगलुरु दुबईमा भिंड्ने छन् । मंगलबार अर्थात असोज ६ गते शारजाहमा राजस्थान रोयल्स तथा चेन्नइ सुपर किङ्सबीच भिडन्त हुनेछ । दुबईमा आइपीएलको सबैभन्दा बढी २४ वटा खेलहरु खेलिनेछन् । अबु धाबीमा २० खेल खेलिने छ भने शारजाहमा १२ खेल खेलिने छ ।